മറ്റു ജനതകളില്‍ അത്ഭുതമുളവാക്കുന്നവിധം പങ്കുവയ്ക്കുന്ന സമൂഹമായിരുന്നു ആദിമസഭ. അവരുടെയിടയില്‍ ദാരിദ്ര്യദുഃഖമനുഭവിക്കുന്നവരാരും ഉണ്ടായിരുന്നില്ല എന്നു തിരുവചനം സാക്ഷ്യപ്പെടുത്തുന്നുണ്ട്. അത്രയ്ക്കും വലുതായിരുന്നു അവരുടെ പരസ്നേഹം. സഭ ഇന്നും ജീവകാരുണ്യപ്രവര്‍ത്തനങ്ങളിലൂടെ ഈ പങ്കുവയ്ക്കല്‍ തുടരുന്നു. സഭാവിരോധികള്‍ സഭയ്ക്കെതിരായി മറിച്ചു പഠിപ്പിക്കുമ്പോള്‍ അതില്‍ കുടുങ്ങാതെ സഭയുടെ ജീവകാരുണ്യപ്രവര്‍ത്തനങ്ങളില്‍ പങ്കുചേരാനും അതില്‍ അഭിമാനിക്കാനും സഭാമക്കള്‍ക്കു സാധിക്കണം. ഈ ആശയം ഗ്രഹിക്കത്തക്കവിധം പാഠം അവതരിപ്പിക്കണം.