ദൈവഹിതം ജനത്തെ അറിയിക്കുകയും അതു സ്വജീവിതത്തില്‍ പ്രാവര്‍ത്തികമാക്കി സാക്ഷ്യം വഹിക്കുകയും ചെയ്യുന്നവനാണ് പ്രവാചകന്‍. മാമ്മോദീസായിലൂടെയും തൈലാഭിഷേകത്തിലൂടെയും പരിശുദ്ധാത്മാവിനാല്‍ അഭിഷിക്തരാകുന്ന സഭാമക്കളും പ്രവാചകജനമായിത്തീരുന്നു. ഭൂമിയുടെ ഉപ്പും ലോകത്തിന്‍റെ പ്രകാശവുമാകുവാന്‍ നാം വിളിക്കപ്പെട്ടിരിക്കുന്നു. കൂദാശകളുടെ സ്വീകരണം വഴി ശക്തി പ്രാപിച്ചും വിശ്വാസപ്രേരിതമായ ജീവിതം നയിച്ചും മാതൃകയാലും വചനത്താലും സുവിശേഷം പ്രചരിപ്പിച്ചും നമ്മുടെ പ്രവാചക ദൗത്യം നിറവേറ്റണം. ഈ ആശയം ഗ്രഹിക്കത്തക്കവിധം പാഠം അവതരിപ്പിക്കണം.