Class 1: Lesson 14 – Catechism Hosur

Summary
Lesson 14 പ്രാര്‍ത്ഥിക്കാന്‍ പഠിപ്പിക്കുന്ന ഈശോ

ഈശോയുടെ പ്രാര്‍ത്ഥനാവേളകളെ അവതരിപ്പിച്ചുകൊണ്ട് എങ്ങനെ പ്രാര്‍ത്ഥിക്കണമെന്ന് പഠിപ്പിക്കുകയാണ് ഈ പാഠം. ഓരോ പ്രവ്യത്തിയും ചെയ്യുന്നതിന് മുമ്പ് പ്രാര്‍ത്ഥിക്കുന്ന ശീലം കുട്ടികളില്‍ വളര്‍ത്തുന്നതിന് ഉപകരിക്കുന്ന വിധത്തില്‍ ഈ പാഠം അവതരിപ്പിക്കാന്‍ അദ്ധ്യാപകര്‍ക്ക് കഴിയണം.

Download Audio Lessons

Listen and learn at your convenience. Download these audio lessons to deepen your understanding of faith and catechetical topics on the go.

Click Here

കുട്ടികൾ സ്വന്തമാക്കേണ്ടവ
പാഠബന്ധിത പ്രവർത്തനങ്ങൾ
അനുബന്ധിത പ്രവർത്തനങ്ങൾ

ബോധ്യങ്ങള്‍
- ഈശോ എപ്പോഴും തന്‍റെ പിതാവിനോട് പ്രാര്‍ത്ഥിച്ചിരുന്നു.
- ഈശോ പഠിപ്പിച്ച പ്രാര്‍ത്ഥനയാണ് ‘സ്വര്‍ഗ്ഗസ്ഥനായ ഞങ്ങ ളുടെ പിതാവേ’
മനോഭാവങ്ങള്‍
ഓരോ ദിവസത്തെയും പ്രധാന സന്ദര്‍ഭങ്ങളില്‍ പ്രാര്‍ത്ഥിക്കണം.
ശീലങ്ങള്‍
ഉണരുമ്പോഴും ഉറങ്ങുന്നതിനു മുന്‍പും ഞാന്‍ പ്രാര്‍ത്ഥിക്കും
അദ്ധ്യാപകന്‍ / അദ്ധ്യാപിക കരുതേണ്ട ബോധനോപാധികള്‍
- ‘സ്വര്‍ഗസ്ഥനായ ഞങ്ങളുടെ പിതാവേ’ എന്ന പ്രാര്‍ത്ഥന എഴു തിയ ചാര്‍ട്ട്.
- ഈ പ്രാര്‍ത്ഥനയുടെ ‘ഗാനരൂപം’
പാഠാവതരണം
പ്രാര്‍ത്ഥന ജീവിതത്തില്‍ ഒഴിച്ചുകൂടാനാവാത്ത ഒന്നാണ്. ദൈവത്തോടാണ് നാം പ്രാര്‍ത്ഥിക്കുന്നത്. ഈശോ പിതാവായ ദൈവത്തോട് എന്നും പ്രാര്‍ത്ഥിച്ചിരുന്നു. (ഈശോ പ്രാര്‍ത്ഥിച്ച സന്ദര്‍ഭങ്ങള്‍ വിശദമാക്കാം) ഈശോയെപ്പോലെ നമ്മളും നിരന്തരം പ്രാര്‍ത്ഥിക്കണം. എന്തിനൊക്കെവേണ്ടി പ്രാര്‍ത്ഥിക്കാം! (കുട്ടികളെക്കൊണ്ട് പറയിക്കുന്നു) ഈശോ പഠിപ്പിച്ച പ്രാര്‍ത്ഥനയാണ് സ്വര്‍ഗ്ഗസ്ഥനായ പിതാവേ എന്ന പ്രാര്‍ത്ഥന. ചാര്‍ട്ട് കാണിക്കുകയും പ്രാര്‍ത്ഥിക്കുകയും ഓരോ വാചകവും നിര്‍ത്തി നിര്‍ത്തി വായിക്കുകയും ആവശ്യമായ വിശദീകരണങ്ങള്‍ നല്‍കുകയും ചെയ്യുന്നത് നന്നായിരിക്കും. കുറച്ചുസമയം കുട്ടികളെ ദൈവാലയത്തില്‍ കൊണ്ടുപോയി പ്രാര്‍ത്ഥിപ്പിക്കുന്നതും ഉചിതമാണ്.

ഈശോ പഠിപ്പിച്ച പ്രാര്‍ത്ഥന
ഈ പ്രാര്‍ത്ഥനയുടെ പ്രാധാന്യവും ശക്തിയും കുട്ടികള്‍ക്ക് മനസ്സിലാക്കിക്കൊടുക്കണം. കാരണം ഈശോയാണ് ഇത് പഠിപ്പിച്ചത്. ചില വാചകങ്ങളുടെ വിശദീകരണം കുട്ടികള്‍ക്ക് ആവശ്യമായി വന്നേക്കാം. ശ്രദ്ധയോടും ഭക്തിയോടും കൂടി ചൊല്ലുവാന്‍ പരിശീലിപ്പിക്കണം.
കളങ്ങള്‍ നിറയ്ക്കാം
- രാവിലെ എഴുന്നേല്‍ക്കുമ്പോള്‍.
- പഠനത്തിനുമുന്‍പ്.
- ഭക്ഷണത്തിനു മുന്‍പ്.
- ഉറങ്ങാന്‍ പോകുന്നതിനു മുന്‍പ്.
- സ്കൂളില്‍ പോകുന്നതിനു മുന്‍പ്.
- രോഗാവസ്ഥയില്‍

എഴുതാം ചൊല്ലാം
സ്വര്‍ഗ്ഗസ്ഥനായ… എന്ന പ്രാര്‍ത്ഥന എല്ലാവരും പുസ്തകത്തില്‍ നോക്കി എഴുതാന്‍ നിര്‍ദ്ദേശിക്കാം. രണ്ടു ഗ്രൂപ്പായി ഈ പ്രാര്‍ത്ഥന ചൊല്ലാവുന്നതാണ്.
പാടാം
വി. കുര്‍ബ്ബാനയിലുപയോഗിക്കുന്ന ‘സ്വര്‍ഗസ്ഥിതനാം താതാ നിന്‍’ എന്ന ഗാനം പൂര്‍ണ്ണമായും പാടുവാന്‍ അവസരം നല്‍കാം
ചോദ്യങ്ങള്‍
- ഈശോ പഠിപ്പിച്ച പ്രാര്‍ത്ഥന ഏത്?
- എപ്പോഴൊക്കെയാണ് ഈശോ പ്രാര്‍ത്ഥിച്ചത്?