1. ബോധ്യങ്ങള്‍
   1. തോമാശ്ലീഹാ വിശ്വാസപ്രഖ്യാപനം നടത്തി. 2. ഈശോ നമ്മുടെ കര്‍ത്താവും ദൈവവുമാണ്. 3. ഉത്ഥാനം ചെയ്ത ഈശോ എപ്പോഴും നമ്മോടുകൂടി ഉണ്ട്.
2. മനോഭാവം
   1. തോമാശ്ലീഹായുടെ വിശ്വാസാനുഭവം നമുക്കും സ്വന്തമായിരിക്കണം. 2. ഈശോയെ കര്‍ത്താവും ദൈവവുമായി ഏറ്റുപറയണം.
3. ശീലം

   1. വിശുദ്ധരുടെ ദൈവാനുഭവങ്ങള്‍ കണ്ടെത്തി വായിക്കും. 2. മിഷനറിമാരെക്കുറിച്ച് കൂടുതല്‍ കാര്യങ്ങള്‍ അന്വേഷിച്ചറിയും.

4. അദ്ധ്യാപകന്‍ / അദ്ധ്യാപിക കരുതേണ്ട ബോധനോപാധികള്‍
   ഈശോ തോമാശ്ലീഹായ്ക്ക് പ്രത്യക്ഷപ്പെട്ട ചിത്രം. പന്ത്രണ്ടു ശിഷ്യന്മാരുടെ ചിത്രം, വിശുദ്ധരുടെ ചിത്രങ്ങള്‍, മലയാറ്റൂര്‍ പള്ളിയുടെ ചിത്രവും ചരിത്രവും.
5. പാഠാവതരണം
   അനുഭവവിവരണത്തിലൂടെ പാഠാവതരണം നിര്‍വ്വഹിക്കാം. മലയാറ്റൂര്‍ മല കയറിയ സന്ദര്‍ഭം ടീച്ചര്‍ ആദ്യം വിവരിക്കുന്നു. ഓരോ കാര്യവും വിശദമായും വ്യക്തമായും പറയുന്നു. അവിടെ മല കയറിയപ്പോഴും കുരിശിന്‍റെ വഴി നടത്തിയപ്പോഴും കുര്‍ബ്ബാനയില്‍ പങ്കെടുത്തപ്പോഴും ഉണ്ടായ അനുഭൂതികള്‍ പങ്കുവയ്ക്കുന്നു. തുടര്‍ന്ന് കുട്ടികള്‍ക്ക് വിവരണം പറയാന്‍ അവസരം നല്‍കുന്നു. പരമാവധി കുട്ടികള്‍ പറയട്ടെ. അടുത്ത ദിവസം വരുമ്പോള്‍ യാത്രാവിവരണം എഴുതിക്കൊണ്ടുവരാന്‍ നിര്‍ദ്ദേശിക്കുന്നു. തുടര്‍ന്ന് പാഠത്തിലേയ്ക്കു പ്രവേശിക്കാം.

1. സമാധാനം സമാധാനം
ഗ്രൂപ്പുകളായി തിരിഞ്ഞ് വി. കുര്‍ബ്ബാനയുടെ പുസ്തകത്തില്‍ എത്ര പ്രാവശ്യം സമാധാനം എന്ന വാക്ക് ഉണ്ടെന്ന് കണ്ടെത്താന്‍ ആവശ്യപ്പെടുന്നു. ഉത്ഥാനം ചെയ്ത ഈശോ നല്‍കിയ സമാധാനാശംസയും ദിവ്യബലിയിലെ സമാധാനാശംസയും കുട്ടികള്‍ക്ക് വ്യക്തമാക്കിക്കൊടുക്കണം.
2. അഭിമുഖം നടത്താം
വിശ്വാസപ്രഖ്യാപനം നടത്തിയ തോമാശ്ലീഹായെ അഭിമുഖം നടത്താന്‍ കുട്ടികള്‍ക്ക് അവസരം നല്‍കണം. വിശദവിവരങ്ങള്‍ അറിയാന്‍ തക്കവിധമുള്ള ചോദ്യങ്ങള്‍ തയ്യാറാക്കണം. അവ കുട്ടികള്‍ ക്ലാസില്‍ വച്ചുതന്നെ ചോദിക്കണം. തോമാശ്ലീഹാ ആകുന്ന കുട്ടി ഉത്തരങ്ങള്‍ പറയണം. ടീച്ചര്‍ പ്രത്യേകം സഹായം നല്‍കണം.