1. ബോധ്യങ്ങള്‍
   
   1. ഈശോയുടെ കുരിശിലെ ബലി വഴി നമുക്ക് പാപമോചനവും രക്ഷയും ലഭിച്ചു.
   2. വി. കുര്‍ബാനയില്‍ ഈശോയുടെ രക്ഷാകര രഹസ്യങ്ങളാണ് അവതരിപ്പിക്കപ്പെടുന്നത്.
   
   
2. മനോഭാവം
   
   1. നന്ദിയോടും സ്നേഹത്തോടുംകൂടെ ദിവ്യബലിയില്‍ പങ്കുചേരണം.
   2. ദൈവാലയത്തില്‍ ആദരപൂര്‍വ്വം പെരുമാറണം
   
   
3. ശീലം
   
   1. ഞാന്‍ വി. കുര്‍ബ്ബാനയിലെ പ്രാര്‍ത്ഥനകള്‍ ഭക്തിപൂര്‍വ്വം ചൊല്ലും.
   2. എന്നെ പരിഹസിക്കുന്നവരോട് ക്ഷമാപൂര്‍വം പെരുമാറും.
   
   
4. അദ്ധ്യാപകന്‍ / അദ്ധ്യാപിക കരുതേണ്ട ബോധനോപാധികള്‍
   
   ഈശോയുടെ പീഡാനുഭവചിത്രങ്ങള്‍, കുരിശിന്‍റെ വഴിയിലെ ചിത്രങ്ങള്‍, കുര്‍ബ്ബാന പുസ്തകം, ബൈബിള്‍
5. പാഠാവതരണം
   
   കുരിശിന്‍റെ വഴി ക്ലാസ്സില്‍ അവതരിപ്പിക്കുന്നതിലൂടെ പാഠത്തിലേയ്ക്ക് പ്രവേശിക്കാം. കുരിശിന്‍റെ വഴിയിലെ പ്രാര്‍ത്ഥനകളും ഗാനങ്ങളും മുന്‍കൂട്ടി ഒരുങ്ങിവന്ന് കുട്ടികള്‍ ക്ലാസ്സില്‍ അവതരിപ്പിക്കുന്നു. വിവിധ സ്ഥലങ്ങളില്‍ നടക്കുന്ന സംഭവങ്ങള്‍ ചര്‍ച്ച ചെയ്യുന്നു. തുടര്‍ന്ന് പാഠത്തിലേയ്ക്കു വരുന്നു. പാഠഭാഗത്ത് പരാമര്‍ശിക്കുന്ന കാര്യങ്ങള്‍ കുരിശിന്‍റെ വഴിയില്‍ എവിടെയൊക്കെയാണുള്ളതെന്ന് കണ്ടെത്താന്‍ കുട്ടികള്‍ക്ക് അവസരം നല്‍കുന്നു. അവയുടെ വിശദീകരണത്തിലൂടെ പാഠത്തിലെ പ്രമേയം കുട്ടികള്‍ ഗ്രഹിക്കുന്നു.

1. പദസൂര്യന്‍

പദസൂര്യന്‍ പൂര്‍ത്തിയാക്കാന്‍ കുട്ടികളോട് നിര്‍ദ്ദേശിക്കാം. ചാര്‍ട്ടിലെഴുതി ക്ലാസ്സില്‍ പ്രദര്‍ശിപ്പിക്കാം.

2. ആളെ തിരിച്ചറിയാം

ടീച്ചര്‍ പറയുന്ന അടയാളങ്ങളില്‍ നിന്ന് കുട്ടികള്‍ ആളെ തിരിച്ചറിയുന്നു.
ഉദാ: 1. പണസഞ്ചി ഇയാളുടെ കയ്യിലാണ്. ഒരു കൂട്ടം പടയാളികളെയും കൂട്ടി ഇയാള്‍ വന്നു (ഉ: യൂദാസ്)
2. ഇയാള്‍ അധികാരിയാണ്. വെള്ളമെടുത്ത് ജനങ്ങളുടെ മുമ്പാകെ കൈകഴുകി (ഉ: പീലാത്തോസ്)

1. തിരുവചനമെഴുതാം
   
   ദുഃഖങ്ങളില്‍ ആശ്വാസമേകുന്ന തിരുവചനങ്ങള്‍ കണ്ടെത്തി പറയാനും എഴുതാനും ആവശ്യപ്പെടാം.
2. കത്തെഴുതാം
   
   നമുക്കുവേണ്ടി കുരിശില്‍ മരിച്ച ഈശോയ്ക്ക് നന്ദി പറഞ്ഞുകൊണ്ട് ഒരു കത്തെഴുതാം. ഈശോയോടുള്ള സ്നേഹാദരവുകള്‍ കുട്ടികളില്‍ വളരാന്‍ ഈ പ്രവര്‍ത്തനം സഹായിക്കും.