ബോധ്യങ്ങള്‍

1 ഈശോമിശിഹായില്‍ പൂര്‍ത്തിയാക്കപ്പെട്ട രക്ഷാകരപദ്ധതിയിലെ സുപ്രധാനസംഭവങ്ങള്‍ അനുസ്മരിച്ച് ദൈവത്തിനു സ്തുതിയും കൃതജ്ഞതയും ആരാധനയും അര്‍പ്പിക്കുകയാണ് സഭ ആരാധനാവത്സരത്തിലൂടെ ചെയ്യുന്നത്.

2 ഈശോമിശിഹായില്‍ പൂര്‍ത്തീകരിച്ച രക്ഷാകരസംഭവങ്ങളുടെ സമയബന്ധിതമായ അനുസ്മരണവും ആചരണവും അതിന്‍റെ ചൈതന്യമനുസരിച്ചുള്ള ജീവിതവും നമ്മെ യഥാര്‍ത്ഥ ക്രൈസ്തവരാക്കും.

3 രക്ഷാകരചരിത്രത്തിലെ പ്രധാനസംഭവങ്ങളെ അടിസ്ഥാനമാക്കി ആരാധനാവത്സരത്തെ ഒന്‍പതു കാലങ്ങളായി തിരിച്ചിരിക്കുന്നു. മംഗളവാര്‍ത്ത, പിറവി, ദനഹ,നോമ്പ്, ഉയിര്‍പ്പ്, ശ്ലീഹാ, കൈത്താ, ഏലിയ സ്ലീവാ മൂശ, പള്ളിക്കൂദാശാക്കാലങ്ങളാണവ.

4 യാമപ്രാര്‍ത്ഥനകള്‍ ഓരോ കാലത്തിന്‍റെയും ചൈതന്യമുള്‍ക്കൊള്ളാന്‍ സഹായകരമാണ്

1. മനോഭാവം
   
   1 സീറോമലബാര്‍സഭയുടെ ആരാധനാവത്സരത്തോട് താല്പര്യം.
   
   2 അവയ്ക്കനുസരണമായി ഭക്താഭ്യാസങ്ങള്‍ ക്രമീകരിക്കുന്നു.
   
   
2. ശീലം
   
   1 അതാതുകാലത്തിന്‍റെ ചൈതന്യമനുസരിച്ചുള്ള ഭക്താഭ്യാസങ്ങള്‍ അനുഷ്ഠിക്കുന്നു.
   
   2 യാമപ്രാര്‍ത്ഥനകളില്‍ താല്പര്യപൂര്‍വം പങ്കുചേരുന്നു.

1. അദ്ധ്യാപകന്‍ / അദ്ധ്യാപിക കരുതേണ്ട ബോധനോപാധികള്‍
   
   പാഠപുസ്തകത്തിലെ ചിത്രങ്ങള്‍ (വലുപ്പത്തില്‍), ആരാധനാവത്സരത്തിലെ വിവിധ കാലങ്ങളും ആ കാലങ്ങളില്‍ അനുസ്മരിക്കുന്ന രക്ഷാകരസംഭവങ്ങളും രേഖപ്പെടുത്തിയ ചാര്‍ട്ട്, ഐക്കണുകള്‍, വിശുദ്ധ ഗ്രന്ഥം.
2. പാഠാവതരണം
   
   ഇപ്പോഴത്തെ ആരാധനാക്രമവത്സരകാലത്തിന്‍റെ ചൈതന്യം സൂചിപ്പിക്കുന്ന ഐക്കണുകളോ ചാര്‍ട്ടോ ഉപയോഗിച്ച് ക്ലാസ് ആരംഭിക്കാം. ഈശോയുടെ ജീവിതത്തിലെ പ്രധാനപ്പെട്ട രക്ഷാകരകര്‍മ്മങ്ങള്‍ ഏതൊക്കെയാണെന്നും ആ രഹസ്യങ്ങള്‍ അനുസ്മരിക്കുന്ന കാലങ്ങള്‍ ഏതെല്ലാമാണെന്നും ചര്‍ച്ച ചെയ്ത് ബോര്‍ഡില്‍ രേഖപ്പെടുത്തുന്നു. യാമപ്രര്‍ത്ഥനയുടെയും കുര്‍ബാനയുടെയും പുസ്തകങ്ങളുടെയും സഹായത്തോടെ ഓരോ കാലത്തിന്‍റെയും ചൈതന്യം വ്യക്തമാക്കുന്നു.

1. ആരാധനാവത്സരത്തിലെ കാലങ്ങളും ആ കാലങ്ങളില്‍ അനുസ്മരിക്കുന്ന രക്ഷാകരരഹസ്യങ്ങളും രേഖപ്പെടുത്തിയ ഒരു ചാര്‍ട്ട് തയ്യാറാക്കി നിങ്ങളുടെ മുറികളില്‍ പ്രദര്‍ശിപ്പിക്കുക.